Mga Bilang 15:37-41

Magandang Balita Biblia (with Deuterocanon)

Ang Palawit sa Damit ng mga Israelita

³⁷ Sinabi ni Yahweh kay Moises, ³⁸ “Sabihin^(A) mo sa mga Israelita na habang panahon silang maglalagay ng palawit sa laylayan ng kanilang mga damit. Susuksukan nila ito ng asul na tali. ³⁹ Gagawin ninyo ito upang maalala ninyo at sundin ang mga kautusan ni Yahweh tuwing makikita ninyo ang mga palawit na iyon. Sa ganoon, masusunod ang salita ni Yahweh at hindi ang inyong sariling nasa at kagustuhan. ⁴⁰ Sundin ninyong lagi ang aking mga utos at kayo'y lubos na magiging nakalaan sa akin. ⁴¹ Ako si Yahweh na inyong Diyos. Ako ang naglabas sa inyo sa Egipto upang maging Diyos ninyo. Ako si Yahweh na inyong Diyos.”