Font Size
Matthew 2
Hawai‘i Pidgin
Matthew 2
Hawai‘i Pidgin
Da Smart Guys Who Know Plenny Bout Da Stars
2 Jesus, he born Betlehem town, Judea side. Herod, he da king dat time. An you know wat? Had dese smart guys who know plenny bout da stars, wen come Jerusalem town from one far place, from da east side. Dey saying, 2 “Wea da boy dat born, da King fo da Jews? We wen spock one star come up da east side dat show dat he born awready, an we come hea fo go down in front him an show him plenny respeck.” 3 King Herod hear dat, an he all shook up an scared. All da peopo inside Jerusalem town, dey all shook up an scared too.
4 Den Herod wen tell fo come by him all da main priest guys an all da teacha guys who teach Godʼs Rules to da peopo. He say, “Try tell me wea Godʼs Spesho Guy goin born.” 5 Dey tell um, “He goin born Betlehem, Judea side. Cuz da guy Micah wen say (he one guy dat talk fo God long time ago),
6 ‘Eh! You Betlehem guys, ova dea Judah side!
All da leadas inside Judah
Tink Betlehem importan.
Cuz from dea goin come one leada.
He goin take care Godʼs peopo,
Da Israel peopo.’ ”
7 Den Herod tell da guys who know plenny bout da stars fo come by him. Dey wen come, but dey neva tell nobody. He find out from dem wat time da star wen show up inside da sky. 8 Den he send um Betlehem. He say, “Go! Look all ova da place till you find da boy. Den come back ova hea an tell me. Cuz I like go dea, fo go down in front him an show him respeck too.”
9 Afta dey hear wat da king say, dey go. An you know wat? Dat same star, da one dey wen see befo, wen dey wen stay east side, dat star go in front dem, an stop right ova da place wea da boy stay. 10 Dey wen spock da star, an eh! dey wen feel real good inside.
11 Dey go inside da house. Dey see da boy an his mudda Mary. Dey go down in front him an show him respeck. Den dey take out dea rich stuffs, an give um to Jesus. Dey give um gold, incense, an spesho kine perfume. 12 Afta dat dey get one dream from God. He tell um, “You guys betta not go back by King Herod.” So dey go home one diffren way.
Dey Run Away Egypt Side
13 Afta da guys who know plenny bout da stars wen go home, you know wat? Had one angel guy from da Boss Up Dea come by Joseph, wen he stay dreaming. Da angel guy tell him, “Eh Joseph! Wake up! Take yoa boy an his mudda, an go run Egypt side. Stay ova dea till I tell you fo come back. King Herod, he goin look fo da boy fo kill him, dass why.” 14 So Joseph get up, an take his boy an Mary, an dey wen run Egypt side, dat nite.
15 Dey stay dea till Herod wen mahke. Wen all dis happen, was jalike Hosea wen say, da guy dat talk fo God long time ago, “I wen tell my boy fo come outa Egypt.”
Herod Kill da Kids
16 King Herod, he wen find out eh, dat da guys dat know plenny bout da stars wen fool him, an he wen come so wild, he wen go send his army guys an tell um, “Go kill all da small boys inside Betlehem an all da odda place ova dea.” Den dey wen kill all da boys two years old an mo younga. Herod wen figga da time, cuz da guys who know plenny bout da stars wen tell him wat time da star wen show up first time.
17 Dis happen jalike Jeremiah wen say, da guy dat talk fo God long time ago:
18 “Dey hear one voice from inside Ramah,
Rachel, she stay crying real hard,
She real sore inside,
Crying fo her kids,
She no like nobody come by her,
Cuz da kids mahke awready.”
Dey Come Back From Egypt Side
19 Lata, King Herod wen mahke. One angel messenja guy from da Boss come by Joseph wen he stay dreaming ova dea Egypt side. Da angel guy tell him, 20 “Eh Joseph! Wake up! Take yoa boy an his mudda, an go Israel side. Da guys dat like kill da boy, stay mahke awready.”
21 So den Joseph wen get up, fo take Jesus an Mary. Dey wen go back Israel side. 22 But he hear dat Arkelaus wen come king Judea side afta his fadda Herod wen mahke. Joseph scared fo go ova dea. God tell him inside one dream, “You betta not go ova dea.” So he go Galilee side, 23 an make house Nazaret town. Dis happen jalike da guys who talk fo God long time ago wen say, “Dey goin call him ‘da Nazaret guy.’ ”
Matthew 2
New International Version
Matthew 2
New International Version
The Magi Visit the Messiah
2 After Jesus was born in Bethlehem in Judea,(A) during the time of King Herod,(B) Magi[a] from the east came to Jerusalem 2 and asked, “Where is the one who has been born king of the Jews?(C) We saw his star(D) when it rose and have come to worship him.”
3 When King Herod heard this he was disturbed, and all Jerusalem with him. 4 When he had called together all the people’s chief priests and teachers of the law, he asked them where the Messiah was to be born. 5 “In Bethlehem(E) in Judea,” they replied, “for this is what the prophet has written:
6 “‘But you, Bethlehem, in the land of Judah,
are by no means least among the rulers of Judah;
for out of you will come a ruler
who will shepherd my people Israel.’[b]”(F)
7 Then Herod called the Magi secretly and found out from them the exact time the star had appeared. 8 He sent them to Bethlehem and said, “Go and search carefully for the child. As soon as you find him, report to me, so that I too may go and worship him.”
9 After they had heard the king, they went on their way, and the star they had seen when it rose went ahead of them until it stopped over the place where the child was. 10 When they saw the star, they were overjoyed. 11 On coming to the house, they saw the child with his mother Mary, and they bowed down and worshiped him.(G) Then they opened their treasures and presented him with gifts(H) of gold, frankincense and myrrh. 12 And having been warned(I) in a dream(J) not to go back to Herod, they returned to their country by another route.
The Escape to Egypt
13 When they had gone, an angel(K) of the Lord appeared to Joseph in a dream.(L) “Get up,” he said, “take the child and his mother and escape to Egypt. Stay there until I tell you, for Herod is going to search for the child to kill him.”(M)
14 So he got up, took the child and his mother during the night and left for Egypt, 15 where he stayed until the death of Herod. And so was fulfilled(N) what the Lord had said through the prophet: “Out of Egypt I called my son.”[c](O)
16 When Herod realized that he had been outwitted by the Magi, he was furious, and he gave orders to kill all the boys in Bethlehem and its vicinity who were two years old and under, in accordance with the time he had learned from the Magi. 17 Then what was said through the prophet Jeremiah was fulfilled:(P)
18 “A voice is heard in Ramah,
weeping and great mourning,
Rachel(Q) weeping for her children
and refusing to be comforted,
because they are no more.”[d](R)
The Return to Nazareth
19 After Herod died, an angel(S) of the Lord appeared in a dream(T) to Joseph in Egypt 20 and said, “Get up, take the child and his mother and go to the land of Israel, for those who were trying to take the child’s life are dead.”(U)
21 So he got up, took the child and his mother and went to the land of Israel. 22 But when he heard that Archelaus was reigning in Judea in place of his father Herod, he was afraid to go there. Having been warned in a dream,(V) he withdrew to the district of Galilee,(W) 23 and he went and lived in a town called Nazareth.(X) So was fulfilled(Y) what was said through the prophets, that he would be called a Nazarene.(Z)
Footnotes
- Matthew 2:1 Traditionally wise men
- Matthew 2:6 Micah 5:2,4
- Matthew 2:15 Hosea 11:1
- Matthew 2:18 Jer. 31:15
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.