मत्ती 22:41-46

New Chhattisgarhi Translation (नवां नियम छत्तीसगढ़ी)

मसीह ह काकर बेटा अय?

(मरकुस 12:35-37; लूका 20:41-44)

⁴¹ जब फरीसीमन उहां जुरे रिहिन, त यीसू ह ओमन ले पुछिस, ⁴² “मसीह के बारे म, तुमन का सोचथव? ओह काकर बेटा अय?”

ओमन कहिन, “दाऊद के बेटा!”

⁴³ यीसू ह ओमन ला कहिस, “त फेर दाऊद ह पबितर आतमा म होके ओला ‘परभू’ काबर कहिथे? दाऊद ह कहिथे, ⁴⁴ ‘परभू ह मोर परभू ले कहिस: मोर जेवनी हांथ अंग बईठ, जब तक कि मेंह तोर बईरीमन ला तोर गोड़ खाल्‍हे नइं कर देवंव।’ ⁴⁵ जब दाऊद ह ओला ‘परभू’ कहिथे, त फेर ओह दाऊद के बेटा कइसने हो सकथे?” ⁴⁶ कोनो ओला कुछू जबाब नइं दे सकिन, अऊ ओ दिन ले, कोनो ओकर ले अऊ कुछू सवाल पुछे के हिम्मत नइं करिन।