मत्ती 22:34-40

New Chhattisgarhi Translation (नवां नियम छत्तीसगढ़ी)

सबले बड़े हुकूम

(मरकुस 12:28-34; लूका 10:25-28)

³⁴ जब फरीसीमन सुनिन कि यीसू ह सदूकीमन के मुहूं बंद कर दे हवय, त ओमन ह जुरिन। ³⁵ ओम ले एक झन, जऊन ह एक वकील रिहिस, यीसू ला परखे बर ए सवाल करिस, ³⁶ “हे गुरू, मूसा के कानून के मुताबिक सबले बड़े हुकूम कते ह अय?”

³⁷ यीसू ह ओला कहिस, “ ‘तेंह अपन परभू परमेसर ला अपन जम्मो हिरदय, अपन जम्मो परान अऊ अपन पूरा मन सहित मया कर।’^{[a] 38} एह पहिली अऊ सबले बड़े हुकूम अय। ³⁹ अऊ दूसरा हुकूम ए किसम ले अय, ‘तेंह अपन पड़ोसी ले अपन सहीं मया कर।’^{[b] 40} ए दूनों हुकूम जम्मो कानून अऊ अगमजानीमन के सिकछा के सार अंय।”