Matye 12:46-50

Nouvo Testaman: Vèsyon Kreyòl Fasil

Se disip Jezi ki vrè fanmi li

(Mak 3:31-35; Lik 8:19-21)

⁴⁶ Pandan Jezi t ap pale ak foul moun yo, manman l ak frè l yo te vin parèt. Yo te vle pale avè l. ⁴⁷ Yon moun vin di Jezi: “Men manman w ak frè w yo ap mande pou ou deyò a. Yo vle pale avè w.”

⁴⁸ Jezi reponn li: “Ki lès ki manman m? Ki lès ki frè m?” ⁴⁹ Apre sa, li lonje dwèt sou disip li yo epi li di: “Men manman m ak frè m? ⁵⁰ Wi, moun ki frè m sè m oswa manman m, se sila yo ki fè volonte Papa m ki nan syèl la.”