Mateo 17:1-3

Ang Bagong Tipan: Filipino Standard Version

Ang Pagbabagong-anyo ni Jesus^(A)

17 Pagkaraan ng anim na araw, isinama ni Jesus sina Pedro, Santiago at ang kapatid nitong si Juan, at sila'y kanyang dinala na walang kasamang iba sa isang mataas na bundok. ² At nagbagong-anyo siya sa harapan nila, nagliwanag ng tulad sa araw ang kanyang mukha, at naging parang ilaw sa kaputian ang kanyang mga damit. ³ At doon ay nagpakita sa kanila sina Moises at Elias na nakikipag-usap sa kanya.