Mateo 14:23-25

Ang Biblia, 2001

²³ Pagkatapos niyang pauwiin ang maraming tao ay umakyat siyang mag-isa sa bundok upang manalangin. Pagsapit ng gabi, siya'y naroong nag-iisa.

²⁴ Ngunit ang bangka ng mga sandaling iyon ay malayong-malayo na sa dalampasigan^[a] na hinahampas ng mga alon, sapagkat pasalungat sa kanila ang hangin.

²⁵ Nang madaling-araw na^[b] ay lumapit siya sa kanila na lumalakad sa ibabaw ng dagat.