Mateo 11:25-27

Magandang Balita Biblia

Lumapit sa Akin at Magpahinga^(A)

²⁵ Nang panahong iyo'y sinabi ni Jesus, “Ama, Panginoon ng langit at lupa, salamat sa iyo, sapagkat inilihim mo ang mga bagay na ito sa marurunong at matatalino, at inihayag mo naman sa mga may kaloobang tulad ng sa bata. ²⁶ Oo, Ama, sapagkat ganoon ang nais mo.

²⁷ “Ibinigay^(B) na sa akin ng aking Ama ang lahat ng bagay. Walang nakakakilala sa Anak kundi ang Ama, at walang nakakakilala sa Ama kundi ang Anak at ang mga pinili ng Anak na pagpahayagan niya.