¹⁶ Makikilala^(A) ninyo sila sa kanilang mga gawa. Mapipitas ba ang ubas sa puno ng dawag, o ang igos sa matitinik na halaman? ¹⁷ Mabuti ang bunga ng mabuting puno, subalit masama ang bunga ng masamang puno. ¹⁸ Hindi maaaring mamunga ng masama ang mabuting puno at hindi maaaring mamunga ng mabuti ang masamang puno. ¹⁹ Ang^(B) bawat punong hindi mabuti ang bunga ay puputulin at itatapon sa apoy. ²⁰ Kaya't^(C) makikilala ninyo ang mga huwad na propeta sa pamamagitan ng kanilang mga gawa.”

Sa Bunga Nakikilala^(A)

³³ “Sinasabi^(B) ninyong mabuti ang punongkahoy kung mabuti ang kanyang bunga at masama ang punongkahoy kung masama ang kanyang bunga, sapagkat sa bunga nakikilala ang puno. ³⁴ Lahi^(C) ng mga ulupong! Paano kayong makakapagsabi ng mabubuting bagay gayong kayo'y masasama? Kung ano ang nag-uumapaw sa puso ay siyang sinasabi ng bibig. ³⁵ Mabuti ang sinasabi ng mabuting tao, sapagkat puno ng kabutihan ang kanyang puso. Masama ang sinasabi ng masamang tao, sapagkat puno ng kasamaan ang kanyang puso.