¹⁶ Makikilala ninyo sila sa kanilang mga bunga. Nakakapitas ba ng mga ubas sa mga tinikan, o ng mga igos sa mga dawagan?

¹⁷ Gayundin naman, ang bawat mabuting puno ay mabuti ang bunga, ngunit ang masamang puno ay masama ang bunga.

¹⁸ Hindi maaaring mamunga ng masama ang mabuting puno at mamunga ng mabuti ang masamang puno.

¹⁹ Bawat^(A) puno na hindi mabuti ang bunga ay pinuputol, at itinatapon sa apoy.

²⁰ Kaya't^(B) makikilala ninyo sila sa kanilang mga bunga.

Sa Bunga Nakikilala^(A)

³³ “O^(B) gawin ninyong mabuti ang puno at mabuti ang bunga nito o gawin ninyong masama ang puno at masama ang bunga nito; sapagkat ang puno ay nakikilala sa pamamagitan ng kanyang bunga.

³⁴ Kayong^(C) lahi ng mga ulupong! Paano kayo makapagsasalita ng mabubuting bagay gayong kayo ay masasama? Sapagkat sa kasaganaan ng puso ay nagsasalita ang bibig.

³⁵ Ang mabuting tao ay naglalabas ng mabubuting bagay mula sa kanyang mabuting kayamanan, at ang masamang tao ay naglalabas ng masasamang bagay mula sa kanyang masamang kayamanan.