Mateo 24:45-51

Ang Pulong Sang Dios

Ang Suluguon nga Masaligan^(A)

⁴⁵ “Ang masaligan kag maalam nga suluguon amo ang ginapili sang agalon nga magdumala sa iya kaupod nga mga suluguon. Siya ang nagahatag sa ila sang ila pagkaon sa husto nga oras. ⁴⁶ Bulahan ato nga suluguon nga sa pagbalik sang iya agalon maabtan siya nga nagahimo sang iya buluhaton. ⁴⁷ Sa pagkamatuod, padumalahon siya sa tanan nga pagkabutang sang iya agalon. ⁴⁸ Pero kaluluoy ang indi maayo nga suluguon nga sa paglakat sang iya agalon magahunahuna siya nga madugay pa siya magbalik, ⁴⁹ gani magasugod siya sa pagpamintas sa iya kaupod nga mga suluguon kag magaupod kaon kag inom sa mga palahubog. ⁵⁰ Magaabot ang iya agalon sa oras nga wala gid niya ginahunahuna ⁵¹ kag grabe ang silot nga iya agumon.^[a] Ibutang siya sa isa ka lugar upod sa mga hipokrito. Didto may paghinibi kag pagbinagrot sang mga ngipon.”