Ang Dakilang Utos^(A)

³⁴ Ngunit nang marinig ng mga Fariseo na napatahimik ni Jesus^[a] ang mga Saduceo, ay nagtipon sila.

³⁵ At isa sa kanila, na tagapagtanggol ng kautusan, ay nagtanong sa kanya upang siya'y subukin.

³⁶ “Guro, alin ba ang dakilang utos sa kautusan?”

³⁷ At^(B) sinabi sa kanya, “Ibigin mo ang Panginoon mong Diyos nang buong puso mo, at nang buong kaluluwa mo, at nang buong pag-iisip mo.’

³⁸ Ito ang dakila at unang utos.’

³⁹ At^(C) ang pangalawa ay katulad nito, ‘Ibigin mo ang iyong kapwa na gaya ng iyong sarili.’

⁴⁰ Sa^(D) dalawang utos na ito nakasalig ang buong kautusan at ang mga propeta.”

Ang Talinghaga ng Mabuting Samaritano

²⁵ At^(A) may isang dalubhasa sa kautusan ang tumindig upang si Jesus^[a] ay subukin na nagsasabi, “Guro, anong dapat kong gawin upang magmana ng buhay na walang hanggan?”

²⁶ Sinabi niya sa kanya, “Ano ba ang nakasulat sa kautusan? Ano ang nabasa mo?”

²⁷ At^(B) sumagot siya, “Ibigin mo ang Panginoon mong Diyos nang buong puso mo, nang buong kaluluwa mo, nang buong lakas mo, at nang buong pag-iisip mo, at ang iyong kapwa na gaya ng iyong sarili.”

²⁸ At^(C) sinabi niya sa kanya, “Tumpak ang sagot mo, gawin mo ito at mabubuhay ka.”