Sino ang Pinakadakila?^(A)

18 Nang^(B) oras na iyon ay lumapit ang mga alagad kay Jesus, na nagsasabi, “Sino ang pinakadakila sa kaharian ng langit?”

² Tinawag niya ang isang maliit na bata at inilagay sa gitna nila.

³ Sinabi^(C) niya, “Katotohanang sinasabi ko sa inyo, malibang kayo'y magbago at maging tulad sa mga bata, kailanma'y hindi kayo makakapasok sa kaharian ng langit.

⁴ Sinumang magpakumbaba nang tulad sa batang ito ay siyang pinakadakila sa kaharian ng langit.

⁵ At sinumang tumanggap sa isang batang ganito sa aking pangalan ay tumatanggap sa akin.

Sino ang Pinakadakila^(A)

⁴⁶ Nagkaroon^(B) ng isang pagtatalo sa kanila kung sino sa kanila ang pinakadakila.

⁴⁷ Subalit dahil batid ni Jesus ang iniisip ng kanilang puso, kumuha siya ng isang maliit na bata at inilagay sa kanyang tabi.

⁴⁸ At^(C) sinabi sa kanila, “Sinumang tumanggap sa maliit na batang ito sa aking pangalan ay tinatanggap ako, at ang sinumang tumanggap sa akin, ay tinatanggap ang nagsugo sa akin, sapagkat ang pinakahamak sa inyong lahat ay siyang dakila.”