Mateo 17:22-23
Ang Biblia, 2001
Muling Binanggit ni Jesus ang tungkol sa Kanyang Kamatayan(A)
22 Habang sila'y nagkakatipon[a] sa Galilea, sinabi ni Jesus sa kanila: “Ang Anak ng Tao ay malapit nang ipagkanulo sa kamay ng mga tao.
23 Siya'y papatayin nila ngunit siya'y muling mabubuhay sa ikatlong araw.” At sila'y labis na nalungkot.
Read full chapterFootnotes
- Mateo 17:22 Sa ibang mga kasulatan ay nakatira .
Mateo 17:22-23
Ang Bagong Tipan: Filipino Standard Version
Muling Binanggit ni Jesus ang tungkol sa Kanyang Kamatayan(A)
22 Nang sila'y nagkatipon[a] sa Galilea, sinabi ni Jesus sa kanila: “Ipagkakanulo na ang Anak ng Tao sa kamay ng mga tao. 23 Siya'y kanilang papatayin subalit siya'y muling bubuhayin sa ikatlong araw.” Labis itong ikinalungkot ng mga alagad.
Read full chapterFootnotes
- Mateo 17:22 Sa ibang mga manuskrito nakatira.
Marcos 9:30-32
Ang Biblia, 2001
Muling Binanggit ni Jesus ang tungkol sa Kanyang Kamatayan(A)
30 Umalis sila roon at nagdaan sa Galilea at ayaw niyang malaman ito ng sinuman.
31 Sapagkat tinuturuan niya ang kanyang mga alagad na sa kanila'y sinasabi, “Ang Anak ng Tao ay ipagkakanulo sa mga kamay ng tao at siya'y papatayin nila. Tatlong araw matapos siyang patayin, siya'y muling mabubuhay.”
32 Ngunit hindi nila naunawaan ang kanyang sinabi at natakot silang magtanong sa kanya.
Read full chapter
Marcos 9:30-32
Ang Bagong Tipan: Filipino Standard Version
Muling Binanggit ni Jesus ang tungkol sa Kanyang Kamatayan(A)
30 Umalis sila roon at nagdaan sa Galilea. Ayaw niyang malaman ng sinuman ang kanyang kinaroroonan, 31 sapagkat tinuturuan niya ang kanyang mga alagad. Sinabi niya sa kanila, “Ang Anak ng Tao ay ipagkakanulo sa kamay ng mga tao at siya'y kanilang papatayin. Pagkatapos siyang patayin, siya'y muling mabubuhay sa ikatlong araw.” 32 Ngunit hindi nila naunawaan ang sinabi niya, at natatakot naman silang magtanong sa kanya.
Read full chapterAng Bagong Tipan: Filipino Standard Version, Copyright © Philippine Bible Society 2009.
