Mateo 14:34-36

Magandang Balita Biblia (with Deuterocanon)

Pinagaling ni Jesus ang mga Maysakit sa Genesaret^(A)

³⁴ Tumawid sila ng lawa at dumating sila sa baybayin ng Genesaret. ³⁵ Si Jesus ay nakilala ng mga tagaroon at agad nilang ipinamalita ang kanyang pagdating, kaya't dinala ng mga tao ang lahat ng maysakit sa buong lupaing iyon. ³⁶ Hiniling nila kay Jesus na mahawakan man lamang ng mga maysakit ang laylayan ng kanyang damit; at ang lahat ng gumawa nito ay nagsigaling.