Mateo 14:17-21

Magandang Balita Biblia

¹⁷ Sumagot sila, “Wala po tayong pagkain kundi limang tinapay lamang at dalawang isda.”

¹⁸ “Dalhin ninyo rito,” sabi niya. ¹⁹ Pinaupo niya sa damuhan ang mga tao. Kinuha ang limang tinapay at dalawang isda, tumingala siya sa langit at nagpasalamat sa Diyos. Pinaghati-hati niya ang mga tinapay at iniutos sa mga alagad na ipamahagi iyon sa mga tao. ²⁰ Nakakain at nabusog ang lahat. Nang ipunin ng mga alagad ang natirang pagkain, nakapuno pa sila ng labindalawang kaing ng tinapay. ²¹ May limanlibong lalaki ang nakakain, bukod pa sa mga babae at mga bata.