Ang Pagtulon-an bahin sa Kahoy nga Igos

(Mat. 24:32-35; Luc. 21:29-33)

²⁸ “Kuhai ninyo ug pagtulon-an ang kahoy nga igos. Kon ang iyang mga sanga manalingsing na, timailhan kini ninyo nga hapit na ang ting-init. ²⁹ Sa ingon usab nga pamaagi, kon makita ninyo nga nahitabo na kining akong gisulti kaninyo, mahibaloan ninyo nga hapit na ako muabot. ³⁰ Sa pagkatinuod, matuman kining tanan sa dili pa mamatay ang mga tawo niining panahona. ³¹ Mawala ang langit ug ang yuta, apan ang akong mga pulong dili mawala kondili matuman gayod.”