Walang Nakakaalam ng Araw o Oras^(A)

³² “Ngunit^(B) walang nakakaalam ng araw o ng oras na iyon, kahit ang mga anghel sa langit, o ang Anak man. Ang Ama lamang ang nakakaalam nito. ³³ Mag-ingat kayo at maging handa dahil hindi ninyo alam kung kailan ito mangyayari. ³⁴ Ang^(C) katulad nito'y isang taong maglalakbay sa malayo. Iniwan niya ang kanyang tahanan sa pamamahala ng kanyang mga alipin. Binigyan niya ang bawat isa ng kanya-kanyang gawain, at inutusan niya ang tanod na magbantay. ³⁵ Gayundin naman, magbantay kayong lagi dahil hindi ninyo alam kung kailan darating ang panginoon ng sambahayan. Ito'y maaaring sa takipsilim, sa hatinggabi, sa madaling-araw, o kaya'y sa umaga. ³⁶ Baka siya'y biglang dumating at maratnan kayong natutulog. ³⁷ Ang sinasabi ko sa inyo'y sinasabi ko sa lahat. Maging handa kayo!”

²⁶ Ang^(A) pagparito ng Anak ng Tao ay matutulad sa kapanahunan ni Noe. ²⁷ Ang^(B)(C) mga tao noo'y nagsisikain, nagsisiinom at nagsisipag-asawa hanggang sa araw na sumakay si Noe sa barko. Dumating ang baha at namatay silang lahat. ²⁸ Gayundin ang nangyari noong panahon ni Lot. Ang mga tao'y nagsisikain, nagsisiinom, bumibili, nagtitinda, nagtatanim at nagtatayo ng bahay. ²⁹ Ngunit nang araw na umalis si Lot sa Sodoma, umulan ng apoy at asupre at natupok silang lahat. ³⁰ Ganoon din ang mangyayari sa pagdating ng Anak ng Tao.

³⁴ Sinasabi ko sa inyo, sa gabing iyon, may dalawang taong nasa isang higaan; kukunin ang isa at iiwan ang isa. ³⁵ May dalawang babaing magkasamang nagtatrabaho sa gilingan; kukunin ang isa at iiwan ang isa. [³⁶ May dalawang lalaking nagtatrabaho sa bukid; kukunin ang isa at iiwan ang isa.]”^[a]