Lucas 23:35-37

Magandang Balita Biblia (with Deuterocanon)

³⁵ Ang^(A) mga tao nama'y nakatayo roon at nanonood, habang si Jesus ay kinukutya ng mga pinuno ng bayan. Sinabi nila, “Iniligtas niya ang iba; iligtas niya ngayon ang kanyang sarili kung siya nga ang Cristo na hinirang ng Diyos!”

³⁶ Nilait^(B) din siya ng mga kawal. Nilapitan siya ng isa at inalok ng maasim na alak, ³⁷ kasabay ng ganitong panunuya, “Kung ikaw nga ang Hari ng mga Judio, iligtas mo ang iyong sarili.”