Lucas 16:16-18

Ang Bagong Tipan: Filipino Standard Version

¹⁶ Ang Kautusan at ang mga Propeta ay hanggang kay Juan. Buhat noon, ipinangangaral na ang Magandang Balita ng paghahari ng Diyos at nagpupumilit makapasok ang bawat isa. ¹⁷ Mas madali pang mawala ang langit at lupa kaysa mawala ang isang kudlit sa Kautusan. ¹⁸ Sinumang lalaking humiwalay sa kanyang asawa at nag-asawa ng iba ay nangangalunya at ang makipag-asawa sa hiniwalayang babae ay nangangalunya rin.