Lucas 13:28-30

Ang Salita ng Dios (Tagalog Contemporary Bible)

²⁸ Iiyak kayo at magngangalit ang inyong ngipin^[a] kapag nakita ninyo sina Abraham, Isaac, Jacob at ang lahat ng propeta na napabilang sa paghahari ng Dios, habang kayo naman ay itinaboy sa labas.^{[b] 29} Makikita rin ninyo ang mga hindi Judio mula sa ibaʼt ibang dako^[c] ng mundo na kasalo sa handaan ng paghahari ng Dios. ³⁰ May mga hamak ngayon na magiging dakila, at may mga dakila ngayon na magiging hamak.”