Lucas 12:1-3

Magandang Balita Biblia

Babala Laban sa Pagkukunwari^(A)

12 Samantala,^(B) dumaragsa ang libu-libong tao, at sa sobrang dami ay nagkakatapakan na sila. Sinabi ni Jesus sa kanyang mga alagad, “Mag-ingat kayo sa pampaalsang ginagamit ng mga Pariseo. Ang tinutukoy ko ay ang kanilang pagkukunwari. ² Walang^(C) natatago na di malalantad at walang nalilihim na di mabubunyag. ³ Ang sinabi ninyo sa dilim ay maririnig sa liwanag at ang ibinulong ninyo sa loob ng silid ay ipagsisigawan sa lansangan.