Lucas 1:34-36

Ang Salita ng Dios (Tagalog Contemporary Bible)

³⁴ Nagtanong si Maria sa anghel, “Paano po ito mangyayari gayong dalaga pa ako?”

³⁵ Sumagot ang anghel, “Sasaiyo ang Banal na Espiritu at lililiman ka ng kapangyarihan ng Kataas-taasang Dios. Kaya ang banal na sanggol na ipapanganak mo ay tatawaging Anak ng Dios. ³⁶ Maging ang kamag-anak mong si Elizabet ay buntis din sa kabila ng kanyang katandaan. Alam ng lahat na baog siya, pero anim na buwan na siyang buntis ngayon.