Ang Pag-akyat ni Jesus sa Langit^(A)

⁵⁰ Pagkatapos^(B) ng mga ito, sila'y isinama ni Jesus sa labas ng lungsod. Pagdating sa Bethania, itinaas niya ang kanyang mga kamay at sila'y binasbasan. ⁵¹ Habang^(C) binabasbasan niya sila, siya'y umalis [at dinala paakyat sa langit].^{[a] 52} Siya'y sinamba nila at pagkatapos ay bumalik sila sa Jerusalem na punung-puno ng kagalakan. ⁵³ Palagi silang nasa Templo at doo'y nagpupuri sa Diyos.

⁹ Pagkasabi^(A) nito, si Jesus ay iniakyat sa langit habang ang mga alagad ay nakatingin sa kanya, at natakpan siya ng ulap.

¹⁰ Habang sila'y nakatitig sa langit at siya'y iniaakyat, may dalawang lalaking nakaputi na lumitaw sa tabi nila. ¹¹ Sabi nila, “Kayong mga taga-Galilea, bakit kayo nakatayo rito at nakatingin sa langit? Itong si Jesus na umakyat sa langit ay magbabalik gaya ng nakita ninyong pag-akyat niya.”