Lucas 21:1-4

Ang Biblia, 2001

Ang Handog ng Babaing Balo^(A)

21 Siya'y tumingala, at nakita niya ang mayayaman na naglalagay ng kanilang mga handog sa kabang-yaman.

² Nakita rin niya ang isang mahirap na babaing balo na naglalagay ng dalawang kusing.

³ At sinabi niya, “Katotohanang sinasabi ko sa inyo, ang mahirap na babaing balong ito ay naglagay ng higit kaysa kanilang lahat.

⁴ Sapagkat silang lahat ay naglagay mula sa kanilang kasaganaan, samantalang siya mula sa kanyang kahirapan ay inilagay ang lahat ng kanyang kabuhayan.”