Levitico 9:8-10

Ang Biblia, 2001

⁸ Lumapit naman si Aaron sa dambana at pinatay ang guyang handog pangkasalanan na para sa kanya.

⁹ At dinala sa kanya ng mga anak ni Aaron ang dugo, inilubog niya ang kanyang daliri sa dugo at ipinahid iyon sa ibabaw ng mga sungay ng dambana at ang nalabing dugo ay ibinuhos sa paanan ng dambana.

¹⁰ Subalit ang taba, ang mga bato, at ang lamad na nasa atay ng handog pangkasalanan ay sinunog niya sa ibabaw ng dambana, gaya ng iniutos ng Panginoon kay Moises.