Levitico 24:5-8

Magandang Balita Biblia

Ang Sagradong mga Tinapay

⁵ “Magluluto^(A) kayo ng labindalawang tinapay; isang salop ng mainam na harina ang gagamitin sa bawat isa. ⁶ Ang mga ito ay ihahanay nang tig-aanim sa ibabaw ng mesang ginto. ⁷ Bawat hanay ay lalagyan ng dalisay na insenso at pagkatapos ay susunugin bilang handog kay Yahweh. ⁸ Tuwing Araw ng Pamamahinga, ang tinapay na ito ay ihahandog kay Yahweh. Ito'y gagawin ng bayang Israel sa habang panahon.