Karunungan ni Solomon 2:1-4

Magandang Balita Biblia (with Deuterocanon)

2 Ang walang kabuluhang pangangatuwiran ng masama ay ganito:
“Maikli at malungkot ang buhay,” wika nila sa sarili,
“at wala nang lunas pagdating ng wakas ng buhay ng tao,
wala na ring patay na nakakabalik mula sa libingan.
² Pagkakataon lamang ang pagkasilang sa atin;
pagkatapos, tayo'y papanaw at parang di isinilang.
Ang hininga natin ay tulad lamang ng usok,
at ang isipa'y parang tilamsik na mula sa pintig ng puso.
³ Pagtigil ng pintig na iyon, ang ating katawang lupa ay babalik sa alabok,
at maglalaho ang ating espiritu kasama ng hanging nagdaraan.
⁴ Sa kalaunan, malilimot na ang ating pangalan, pati ang ating mga nagawa.
Mawawala ang buhay natin, parang balumbon ng mga ulap,
matutunaw na parang hamog sa init ng araw.