Juan 8:31-33

Magandang Balita Biblia

Ang Katotohanan ang Magpapalaya sa Inyo

³¹ Sinabi naman ni Jesus sa mga Judiong naniniwala sa kanya, “Kung patuloy kayong susunod sa aking turo, kayo nga'y tunay na mga alagad ko. ³² Makikilala ninyo ang katotohanan, at ang katotohanan ang magpapalaya sa inyo.”

³³ Sumagot^(A) sila, “Kami ay mula sa lahi ni Abraham, at kailanma'y hindi kami naalipin ninuman. Paano mo masasabing palalayain kami?”