Juan 19:12-14

Ang Biblia, 2001

¹² Mula noo'y sinikap ni Pilato na siya'y pakawalan. Ngunit ang mga Judio ay nagsisigawang, “Kung pakakawalan mo ang taong ito ay hindi ka kaibigan ni Cesar.^[a] Ang bawat nag-aangkin na siya'y hari ay nagsasalita ng laban kay Cesar.”

¹³ Nang marinig ni Pilato ang mga salitang ito ay inilabas niya si Jesus, at siya'y naupo sa hukuman sa dakong tinatawag na Plataporma (sa Hebreo ay Gabbatha).

¹⁴ Noon ay Paghahanda ng Paskuwa, at noo'y mag-iikaanim na oras.^[b] Sinabi niya sa mga Judio, “Narito ang inyong Hari!”