Juan 14:17-19

Magandang Balita Biblia (with Deuterocanon)

¹⁷ Siya ang Espiritu ng katotohanan, na hindi matanggap ng sanlibutan sapagkat siya ay hindi nakikita ni nakikilala ng sanlibutan. Ngunit nakikilala ninyo siya, sapagkat siya'y nasa inyo at siya'y mananatili^[a] sa inyo.

¹⁸ “Hindi ko kayo iiwang mga ulila; babalik ako sa inyo. ¹⁹ Kaunting panahon na lamang at hindi na ako makikita ng sanlibutang ito. Ngunit ako'y makikita ninyo; sapagkat buháy ako, mabubuhay rin kayo.