यूहन्ना 13:36-38

Awadhi Bible: Easy-to-Read Version

ईसू क बताउब पतरस ओका पहिचानइ स मना कइ देई

(मत्ती 26:31-35; मरकुस 14:27-31; लूका 22:31-34)

³⁶ समौन पतरस ओसे पूछेस, “पर्भू, तू कहाँ जात अहा?”

ईसू जवाब दिहेस, “जहाँ मइँ जात हउँ, अब तू मोरे पाछे नाहीं आइ सकत्या, मुला तू बाद मँ मोरे पाछे अउब्या।”

³⁷ पतरस ओसे पूछेस, “पर्भू, मइँ तोहरे पाछे काहे बरे नाहीं आइ सकत? मइँ तउ तोहरे बरे आपन जान तक दइ देब!”

³⁸ ईसू जवाब दिहेस, “तू मोरे लिए आपन जान देब्या? मइँ तोहसे सच्ची बात कहत अहउँ कि जब तलक तू तीन दाई इन्कार न कइ देब्या तब तक एक मुर्गा बाँग न देई।”