Font Size
Joel 2:12-14
Magandang Balita Biblia
Joel 2:12-14
Magandang Balita Biblia
Panawagan Upang Magsisi
12 “Gayunman,” sabi ni Yahweh,
“mataimtim kayong magsisi at manumbalik sa akin;
mag-ayuno kayo, manangis at magdalamhati.
13 Magsisi kayo nang taos sa puso,
at hindi pakitang-tao lamang.”
Magbalik-loob kayo kay Yahweh na inyong Diyos!
Siya'y mahabagin at mapagmahal,
hindi madaling magalit at wagas ang pag-ibig;
laging handang magpatawad at hindi nagpaparusa sa nagsisisi.
14 Maaaring lingapin kayong muli ni Yahweh na inyong Diyos
at bigyan kayo ng masaganang ani.
Kung magkagayon, mahahandugan ninyo siya ng handog na pagkaing butil at alak.
Magandang Balita Biblia (MBBTAG)
Magandang Balita Biblia, Copyright © Philippine Bible Society 2012.