Jobu 26

Bíbélì Mímọ́ Yorùbá Òde Òn

⁵ “Àwọn aláìlágbára ti isà òkú wárìrì,
    lábẹ́ omi pẹ̀lú àwọn tí ń gbé inú rẹ̀.
⁶ Ìhòhò ni ipò òkú níwájú Ọlọ́run,
    ibi ìparun kò sí ní ibojì.
⁷ Òun ní o nà ìhà àríwá ọ̀run ní ibi òfúrufú,
    ó sì so ayé rọ̀ ní ojú asán.
⁸ Ó di omi pọ̀ nínú ìkùùkuu àwọsánmọ̀ rẹ̀ tí ó nípọn;
    àwọsánmọ̀ kò sì ya nísàlẹ̀ wọn.
⁹ Ó sì fa ojú ìtẹ́ rẹ̀ sẹ́yìn,
    ó sì tẹ àwọsánmọ̀ rẹ̀ sí i lórí.
¹⁰ Ó fi ìdè yí omi Òkun ká,
    títí dé ààlà ìmọ́lẹ̀ àti òkùnkùn.
¹¹ Ọ̀wọ́n òpó ọ̀run wárìrì,
    ẹnu sì yà wọ́n sì ìbáwí rẹ̀.
¹² Ó fi ipá rẹ̀ dààmú omi Òkun;
    nípa òye rẹ̀, ó gé agbéraga sí wẹ́wẹ́.
¹³ Nípa ẹ̀mí rẹ̀ ni ó ti ṣe ọ̀run ní ọ̀ṣọ́;
    ọwọ́ rẹ̀ ni ó fi dá ejò wíwọ́ nì.
¹⁴ Kíyèsi i, èyí ní òpin ọ̀nà rẹ̀;
    ohùn èyí tí a gbọ́ ti kéré tó!
    Ta ni ẹni náà tí òye àrá agbára rẹ̀ lè yé?”