Job 34:31-33

Magandang Balita Biblia (with Deuterocanon)

³¹ “Job, inamin mo na ba sa Diyos ang iyong kasalanan,
    nangako ka na bang titigil sa kasamaan?
³² Hiniling mo na bang sa iyo'y ipaunawa ang lahat ng iyong masasamang gawa?
    Nangako ka na bang titigil na nga sa gawang di tama?
³³ Sapagkat sa Diyos ikaw ay lumalaban,
    ibibigay kaya niya ang iyong kailangan?
Ikaw ang magsabi ng iyong kapasyahan,
    sabihin mong lahat ang iyong nalalaman.