Job 25

Beibl William Morgan

25 Yna Bildad y Suhiad a atebodd ac a ddywedodd, ² Arglwyddiaeth ac ofn sydd gydag ef: y mae efe yn gwneuthur heddwch yn ei uchelfannau. ³ A oes gyfrif o’i luoedd ef? ac ar bwy ni chyfyd ei oleuni? ⁴ Pa fodd y cyfiawnheir dyn gyda Duw? neu pa fodd y bydd yr hwn a aned o wraig yn lân? ⁵ Wele hyd yn oed y lleuad, ac ni lewyrcha hi; a’r sêr nid ydynt bur yn ei olwg ef: ⁶ Pa faint llai dyn, yr hwn sydd bryf; a mab dyn, yr hwn sydd abwydyn?