Jeremias 4:22-24

Ang Biblia, 2001

²²“Sapagkat ang bayan ko ay hangal,
    hindi nila ako nakikilala:
sila'y mga batang mangmang
    at sila'y walang pang-unawa.
Sa paggawa ng masama sila ay marunong,
    ngunit sa paggawa ng mabuti ay wala silang alam.”

²³Ako'y tumingin sa lupa, at narito, ito'y wasak at walang laman;
at sa mga langit, at sila'y walang liwanag.
²⁴Ako'y tumingin sa mga bundok, at narito, sila ay nayayanig,
at ang lahat ng burol ay nagpapabalik-balik.