Jeremias 2:23-25

Ang Biblia, 2001

²³ Paano mo nasasabi, ‘Hindi ako nadungisan,
    hindi ako sumunod sa mga Baal’?
Tingnan mo ang iyong daan sa libis!
    Alamin mo kung ano ang iyong ginawa!
Ikaw ay isang matuling batang kamelyo na pinagsala-salabat ang kanyang mga daan,
²⁴     isang mailap na asno na sanay sa ilang,
na sa kanyang init ay sinisinghot ang hangin!
    Sinong makakapigil sa kanyang pagnanasa?
Hindi na mapapagod pa ang mga nagsisihanap sa kanya;
    sa kanyang kabuwanan ay kanilang matatagpuan siya.
²⁵ Ingatan mo ang iyong paa sa paglakad na walang panyapak,
    at ang iyong lalamunan sa pagkauhaw.
Ngunit iyong sinabi, ‘Walang pag-asa,
    sapagkat ako'y umibig sa mga dayuhan,
    at ako'y susunod sa kanila!’