Jeremias 20:14-18

Ang Biblia, 2001

¹⁴ Sumpain^(A) ang araw
    na ako'y ipinanganak!
Ang araw na ako'y isinilang ng aking ina,
    huwag nawa itong basbasan!
¹⁵ Sumpain ang tao
    na nagdala ng balita sa aking ama,
“Isang lalaki ang ipinanganak sa iyo,”
    na kanyang ikinagalak.
¹⁶ Ang lalaki nawang iyon ay maging gaya ng mga lunsod
    na walang awang giniba ng Panginoon,
at makarinig nawa siya ng daing sa umaga,
    at babala sa katanghaliang-tapat;
¹⁷ sapagkat hindi niya ako pinatay sa sinapupunan;
    at sa gayo'y naging libingan ko sana ang aking ina,
    at ang kanyang sinapupunan, ay naging dakila magpakailanman.
¹⁸ Bakit ako'y lumabas pa sa sinapupunan
    upang makakita ng hirap at kalungkutan,
    at gugulin ang aking mga araw sa kahihiyan?