“Inú Hamati àti Arpadi bàjẹ́ nítorí wọ́n gbọ́ ìròyìn búburú, ìjayà dé bá wọn,
    wọ́n sì dààmú bí omi Òkun.
²⁴ Damasku di aláìlera, ó pẹ̀yìndà
    láti sálọ, ìwárìrì sì dé bá a,
ìbẹ̀rù àti ìrora dìímú, ìrora
    bí ti obìnrin tí ó wà ní ipò ìrọbí.
²⁵ Kí ló dé tí ìlú olókìkí di ohun ìkọ̀sílẹ̀;
    ìlú tí mo dunnú sí.
²⁶ Lóòtítọ́, àwọn ọ̀dọ́mọkùnrin rẹ
    yóò ṣubú lójú pópó, gbogbo
àwọn ọmọ-ogun rẹ yóò pa
    ẹnu mọ́ ní ọjọ́ náà,”
    ní Olúwa àwọn ọmọ-ogun wí.
²⁷ “Èmi yóò fi iná sí odi Damasku,
    yóò sì jó gbọ̀ngàn Beni-Hadadi run.”

“Nítorí ẹ̀ṣẹ̀ mẹ́ta tí Damasku,
    àní fún mẹ́rin, Èmi kò ní yí ìpinnu ìjìyà mi padà
Nítorí wọn fi ohun èlò ìpakà pa Gileadi.
    Pẹ̀lú ohun èlò irin tí ó ní eyín mímú
⁴ Èmi yóò rán iná sí ilé Hasaeli
    Èyí ti yóò jó àwọn ààfin Beni-Hadadi run.
⁵ Èmi yóò ṣẹ́ ọ̀pá ìdábùú Damasku;
    Èmi yóò sì pa ọba tí ó wà ní Àfonífojì Afeni run
àti ẹni tí ó di ọ̀pá aládé mú ní Beti-Edeni.
    Àwọn ará a Aramu yóò lọ sí ìgbèkùn sí Kiri,”
    ni Olúwa wí.

Ọ̀rọ̀ Olúwa kọjú ìjà sí Hadiraki,
    Damasku ni yóò sì jẹ́ ibi ìsinmi rẹ̀;
nítorí ojú Olúwa ń bẹ lára ènìyàn,
    àti lára gbogbo ẹ̀yà Israẹli.