Isaias 9:13-15

Magandang Balita Biblia

¹³ Ngunit hindi pa rin magsisisi ang bayan kahit na sila'y parusahan,
    ayaw talaga nilang magbalik-loob kay Yahweh na Makapangyarihan sa lahat.
¹⁴ Kaya sa loob lamang ng isang araw ay paparusahan ni Yahweh ang mga pinuno't mamamayan ng Israel;
    para silang hayop na pinutulan ng ulo't buntot.
¹⁵ Ang ulo'y ang matatandang pinuno na iginagalang,
    at ang buntot nama'y mga propetang bulaan.