Isaias 7:1-2

Ang Salita ng Dios (Tagalog Contemporary Bible)

Ang Mensahe para kay Haring Ahaz

7 Noong si Ahaz na anak ni Jotam at apo ni Uzia ang hari ng Juda, sinalakay ang Jerusalem. Sinalakay ito ni Haring Rezin ng Aram^[a] at ni Haring Peka ng Israel, na anak ni Remalia. Pero hindi nila naagaw ang Jerusalem.

² Nang mabalitaan ng hari ng Juda^[b] na nagkampihan ang Aram at Israel,^[c] siya at ang mga mamamayan niya ay nanginig sa takot. Nanginig sila na parang punong niyayanig ng hangin.