Isaias 65:16-18

Ang Biblia, 2001

¹⁶ Upang siya na nagpapala sa sarili sa lupa
    sa pamamagitan ng Diyos ng katotohanan ay magpapala;
at siyang sumusumpa sa lupa
    sa pangalan ng Diyos ng katotohanan ay susumpa;
sapagkat ang mga dating kabagabagan ay nalimutan na,
    at nakubli sa aking mga mata.

¹⁷ “Sapagkat^(A) narito, ako'y lumilikha ng mga bagong langit
    at bagong lupa;
at ang mga dating bagay ay hindi na maaalala,
    o darating man sa isipan.
¹⁸ Ngunit kayo'y matuwa at magalak magpakailanman
    sa aking nilikha;
sapagkat, aking nililikha ang Jerusalem na isang kagalakan,
    at ang kanyang bayan na isang kaluguran.