Isaias 62:10-12

Ang Biblia, 2001

¹⁰ Kayo'y dumaan, kayo'y dumaan sa mga pintuan,
    inyong ihanda ang lansangan para sa bayan;
inyong itayo, inyong gawin ang maluwang na lansangan,
    inyong alisin ang mga bato;
    sa ibabaw ng mga bayan ang watawat ay itaas ninyo.
¹¹ Narito,^(A) ipinahayag ng Panginoon
    hanggang sa dulo ng lupa:
Inyong sabihin sa anak na babae ng Zion,
    “Narito, ang iyong kaligtasan ay dumarating;
ang kanyang gantimpala ay nasa kanya,
    at ang kanyang ganti ay nasa harapan niya.”
¹² At sila'y tatawaging “Ang banal na bayan,
    Ang tinubos ng Panginoon”;
at ikaw ay tatawaging “Hinanap,
    Lunsod na hindi pinabayaan.”