Isaias 56:6-8

Magandang Balita Biblia

⁶ Ito naman ang sabi ni Yahweh sa mga dating dayuhan na ngayo'y kabilang sa kanyang bayan,
    buong pusong naglilingkod sa kanya,
iginagalang ang Araw ng Pamamahinga,
    at matapat na nag-iingat sa kanyang tipan:
⁷ “Dadalhin^(A) ko kayo sa banal na bundok.
    Ipadarama ko sa inyo ang kagalakan sa aking Templo.
Malulugod ako sa inyong mga handog;
at ang aking tahanan ay tatawaging bahay-dalanginan ng lahat ng bansa.”
⁸ Ipinangako pa ng Panginoong Yahweh,
    sa mga Israelitang ibinalik niya mula sa pagkatapon,
na marami pa siyang isasama sa kanila
    para mapabilang sa kanyang bayan.