Isaias 56:3-5

Magandang Balita Biblia (with Deuterocanon)

³ Hindi dapat sabihin ng isang dayuhang nakipagkaisa sa bayan ng Diyos,
    na siya'y hindi papayagan ni Yahweh na makisama sa pagsamba ng kanyang bayan.
Hindi dapat isipin ng mga eunuko na hindi sila karapat-dapat na mapabilang sa bayan ng Diyos
    sapagkat hindi sila magkakaanak.
⁴ Ang^(A) sabi ni Yahweh:
“Sa mga eunukong gumagalang sa Araw ng Pamamahinga,
    na gumagawa ng mga bagay na nakalulugod sa akin
    at tapat na iniingatan ang aking kasunduan.
⁵ Ang pangalan mo'y aalalahanin sa aking Templo at sa gitna ng aking bayan
    nang mas matagal kaysa paggunita sa iyo,
    kung ikaw ay nagkaroon ng mga anak.
Hindi ka malilimot kahit kailan.”