Isaias 51:9-11

Magandang Balita Biblia

⁹ Gumising ka, O Yahweh, at tulungan po ninyo kami!
Gamitin mo ang iyong kapangyarihan at iligtas mo po kami,
    tulad noong una.
Hindi ba't kayo ang pumuksa kay Rahab, na dambuhala ng karagatan?
¹⁰ Kayo rin po ang nagpatuyo sa dagat
    at gumawa ng daan sa gitna ng tubig,
    kaya nakatawid nang maayos ang bayang iyong iniligtas.
¹¹ Ang mga tinubos ninyo'y babalik sa Jerusalem,
    magsisigawan sa galak, umaawit sa tuwa.
Ang mamamalas sa kanilang mukha ay walang hanggang galak,
    at sa puso nila ang lungkot at hapis ay mawawalang lahat.