Isaias 5:26-28

Magandang Balita Biblia

²⁶ Huhudyatan niya ang isang malayong bansa,
    tatawagin niya ito mula sa dulo ng lupa;
at mabilis naman itong lalapit.
²⁷ Isa man sa kanila'y hindi mapapagod
    o makakatulog o madudulas;
walang pamigkis na maluwag
    o lagot na tali ng sandalyas.
²⁸ Matutulis ang kanilang panudla,
    at nakabanat ang kanilang mga pana;
ang kuko ng kanilang kabayo'y sintigas ng bakal
    at parang ipu-ipo ang kanilang mga karwahe.