Isaias 5:26-28

Ang Biblia, 2001

²⁶ Siya'y magtataas ng hudyat sa mga bansa mula sa malayo,
    at sisipulan sila mula sa mga dulo ng lupa;
at, narito, ito'y dumarating na napakatulin!
²⁷ Walang napapagod o natitisod man,
    walang umiidlip o natutulog man;
walang pamigkis na maluwag,
    o napatid man ang mga panali ng mga sandalyas;
²⁸ ang kanilang mga palaso ay matalas,
    at lahat nilang pana ay nakahanda
ang mga kuko ng kanilang mga kabayo ay parang batong hasaan,
    at ang kanilang mga gulong ay parang ipu-ipo.