Isaias 5:10-12

Magandang Balita Biblia

¹⁰Sa bawat walong ektaryang ubasan, dalawampu't dalawang litrong alak lamang ang makukuha;
sa bawat sampung kabang inihasik, limang salop lamang ang aanihin.

¹¹Kawawa^(A) ang maaagang bumangon
    na nagmamadali upang makipag-inuman;
inaabot sila ng hatinggabi
    hanggang sa malasing!
¹²Tugtog ng lira sa saliw ng alpa;
    tunog ng tamburin at himig ng plauta;
saganang alak sa kapistahan nila;
    ngunit mga ginawa ni Yahweh ay hindi nila inunawa.